वन-व्यवस्थापनातील पदव्युत्तर पदविका

केंद्र सरकारच्या वन व पर्यावरण मंत्रालयांतर्गत भोपाळ येथील इंडियन इन्स्टिटय़ूट ऑफ फॉरेस्ट मॅनेजमेंट ही संस्था कार्यरत आहे. या संस्थेत वन-व्यवस्थापन विषयातील पदव्युत्तर पदविका अभ्यासक्रम
उपलब्ध आहे.
या अभ्यासक्रमाच्या २०१५-१७ या शैक्षणिक सत्रामध्ये प्रवेश देण्यासाठी घेण्यात येणाऱ्या प्रवेश पात्रता परीक्षेसाठी उमेदवारांकडून प्रवेश अर्ज मागविण्यात येत आहेत.
शैक्षणिक पात्रता
अर्जदार सर्वसाधारण गटातील असल्यास त्यांनी कुठल्याही विषयातील पदवी परीक्षा कमीतकमी ५० टक्के गुणांसह (राखीव गटातील विद्यार्थ्यांसाठी ४५ टक्के गुणांसह) उत्तीर्ण केलेली असावी. त्याशिवाय त्यांनी सीएटी-२०१४ अथवा व्यवस्थापन अभ्यासक्रम विषयक प्रवेश पात्रता परीक्षा दिलेली असावी.
जे विद्यार्थी यंदा नमूद केलेल्या पात्रता परीक्षांना बसले असतील, तेही या अभ्यासक्रमासाठी प्रवेश परीक्षा देण्यास पात्र आहेत.
निवड पद्धती
अर्जदारांपैकी पात्रताधारक उमेदवारांना त्यांची पदवी परीक्षेतील गुणांची टक्केवारी व प्रवेश पात्रता परीक्षेतील गुणांकाच्या आधारे समूहचर्चा व मुलाखतीसाठी बोलाविण्यात येईल. त्यातील कामगिरीच्या आधारे त्यांना या अभ्यासक्रमासाठी प्रवेश देण्यात येईल.
निवड प्रक्रिया भोपाळ शिवाय बंगळुरू, नवी दिल्ली आणि कोलकाता या शहरांत पार पडेल.
शिष्यवृत्ती
अभ्यासक्रमासाठी निवड झालेल्या विद्यार्थ्यांपैकी निवडक २० टक्के विद्यार्थ्यांना दरमहा पाच हजार रुपयांची शैक्षणिक शिष्यवृत्ती दिली जाईल.
अर्ज व माहितीपत्रक
अर्ज व माहितीपत्रक घरपोच हवे असल्यास सर्वसाधारण गटातील विद्यार्थ्यांनी एक हजार रु.चा (राखीव गटातील विद्यार्थ्यांना ५०० रु.चा) डिमांड ड्राफ्ट विनंती अर्जासह संस्थेच्या कार्यालयात पाठवावा.
अधिक माहिती
अभ्यासक्रमाच्या संदर्भात अधिक माहितीसाठी इंडियन इन्स्टिटय़ूट ऑफ फॉरेस्ट मॅनेजमेंट, भोपाळच्या www.iifm.ac.in / pgdfm अथवा www.mponline.gov.in / Portal /service / IIFM / FRMHome Page या संकेतस्थळांना भेट द्यावी.
अंतिम मुदत
विहित नमुन्यातील संपूर्णपणे भरलेले व आवश्यक तो तपशील आणि कागदपत्रांसह असणारे प्रवेश अर्ज इंडियन इन्स्टिटय़ूट ऑफ फॉरेस्ट मॅनेजमेंट, नेहरू नगर, भोपाळ- ४६२००३ या पत्त्यावर २ फेब्रुवारी २०१५ पर्यंत पोहोचतील अशा बेताने पाठवावेत.