कोण होता हा सँडफर्ड फ्लेमिंग

आज गूगलने आपलं ‘डू़डल’ सँडफर्ड फ्लेमिंग या संशोधकावर बनवलंय. आईनस्टाईन, एडिसन यासारख्या मोठमोठ्या शास्त्रज्ञ, संशोधकांची नावं आपण नेहमीच एेकतो. पण सँडफर्ड फ्लेमिंगसारखे अनेक संशोधक प्रसिध्दीच्या झोतापासून दूर राहत शांतपणे काम करत सामान्य लोकांसाठी महत्त्वाची कामगिरी बजावत असतात. आज फ्लेमिंग यांची १९०वा जन्मदिवस आहे. पाहुय़ात कोण होता हा सँडफर्ड फ्लेमिंग

१. १८२७ साली स्काॅटलंडमध्ये जन्मलेल्या फ्लेमिंगनी ‘स्टँडर्ड टाईम झोन्स’ म्हणजेच प्रमाणवेळेची कल्पना मांडली. रेल्वे तिकिटावर चुकीची वेळ छापली गेल्याने त्यांची एकदा ट्रेन चुकली. यातूनच त्यांना जागतिक प्रमाणवेळ तसंच स्थानिक प्रमाणवेळेची कल्पना सुचली. यावेळी ते ४९ वर्षांचे होते. जागतिक प्रमाणवेळेचं ‘स्टँडर्ड’ इंग्लंडमध्ये ग्रीनिचला असावं असं त्यांनी सुचवलं आणि प्रमाणवेळेच्या गणितांची रचना केली. १८८४च्या इंटरनॅशनल मेरिडियन परिषदेत त्यांची कल्पना अमान्य झाली पण ही पध्दत सोयीची असल्याने १९२९ पर्यंत ती जगभर रूढ झाली.

२. इंजिनियर असलेल्या सँडफर्ड फ्लेमिंग यांनी उत्तर अमेरिकेत रेल्वेचं जाळं वाढवण्यात मोठी कामगिरी बजावली

३. फ्लेमिंग यांच्याकडे व्यापारी दृष्टीही होती. १८८२ साली त्यांनी कॅनडामध्ये कापूस उत्पादन करणारी कंपनी स्थापन केली.

४. त्यांना शेतीमध्ये रस होता. कॅनडामधल्या ओटावा शहरात ते शेतकरी गटांमध्ये सहभागी व्हायचे.

५. त्यांच्या या सगळ्या कामगिरीमुळे १८९७ साली इंग्लंडच्या राणीने त्यांचा ‘सर’ ही पदवी देत सन्मान केला..