तुमच्या किचनमध्येच आहेत दातांच्या पिवळेपणावरचे उपचार, वाचा 7 टिप्स

निरोगी आरोग्यासाठी जसे व्यायाम करणे गरजेचे आहे. तसेच दातांचे आरोग्य उत्तम ठेवण्यासाठी त्याची निगा राखणे गरजेचे आहे. आज अनेक जणांना दातांवरील पिवळेपणाच्या समस्येने ग्रासले आहे. सकाळ संध्याकाळ ब्रश करून देखील पिवळेपणाची ही समस्या कमी होत नसल्याने अनेक जण त्रस्त आहेत. आज आम्ही तुम्हाला तुमच्या दातावर आलेल्या पिवळेपणाची समस्या कशा प्रकारे कमी करता येईल याबद्दलच्या काही खास टिप्स सांगणार आहोत.
 
1- संत्र्याचे साल 
संत्र्याच्या सालीमध्ये कॅल्शियम आणि व्हिटॅमिन सी मोठ्या प्रमाणात असते. यामुळे तोंडातील बॅक्टेरियाशी लढण्याची ताकद निर्माण होण्यास मदत होते. तसेच दातांवरील पिवळेपणा कमी करण्यासही मदत होते.

 

काय करावे - दातांवरील पिवळसरपणा कमी करण्यासाठी आठवड्यातून तीन वेळेस संत्र्याच्या सालीने दातांना स्क्रब करावे.

2. स्ट्रॉबेरी

स्ट्रॉबेरीमधील तत्व देखील दात पांढरे शुभ्र करण्यासाठी उपयोगी ठरतात.
 
काय करावे - साधारण एक मुठ्ठीभर स्ट्रॉबेरीची पेस्ट बनवून एक दिवसाआड झोपण्यापूर्वी दांतांना लावावी आणि सकाळी उठून नेहमीच्या पद्धतीन ब्रश करावा असे केल्यास दातांचा पिवळसरपणा कमी होण्यास मदत होते.

3. लिंबू

लिंबामध्ये ब्लीचिंग तत्व उपलब्ध असतात. हे तत्व पिवळेपणा कमी करण्यास मदतगार ठरतात. लिंबाचे साल दातांवर घासल्याने पिवळेपणा कमी होतो.
 
काय करावे - लिंबाचा रस पण्यात एकत्र करून गुळणा केल्यास पिवळेपणा कमी होण्यास मदत होते

4. तुळस

भरपूर औषधी गुण असलेली तुळस जशी सर्दी-खोकल्यासाठी रामबाण आहे तसेच ती दातांवर ल पिवळेपणा कमी करण्यासाठी देखील उपयोगी आहे.

 

काय कराल - तुळशीची पानांची पेस्ट तयार करून ब्रश केल्यास पिवळेपणा कमी होतो.

5. बेकिंग सोडा

दातांवरील पिवळेपणा कमी करण्यासाठी बेकिंग सोडा एक उत्तम पर्याय आहे. अर्धा चमचा बेकिंग सोडा टूथपेस्टमध्ये करून आठवड्यातून दोनदा ब्रश करावा. तसेच अर्धा चमचा बेकिंग सोडा पाण्यात टाकून हलक्या हाताने दातांवर लावावे. असे केल्याने दात लवकर पांढरे शुभ्र होण्यास मदत होते.

6. मीठ

मीठामध्ये सोडियम आणि इतर तत्वेदेखील असतात. या तत्वांमुळे दात पांढरे राहण्यास मदत होते.
 
काय करावे - हलक्या हातांनी दातांवर मीठ लावून घासल्यास पिवळेपणा कमी होतो.
 
7- सफरचंद

सफरचंदामध्ये असलेल्या अॅसिडिक प्रॉपर्टीज दात पांढरे होण्यास मदत होते.
 
काय करावे - रोज एक सफरचंद खाण्याची सवय लावा.